شعوري في رمضان

اممممم ....ودي اتكلم بالفصحى بس اعذروني ... ماعرف
المهم شعوري في رمضان وقبل رمضان وقرب رمضان وكل ما اشوف .....كلمة رمضان او اسمعها او اقراها او اكتبها
....... بصراحه تجيني الضيقه ....استغفر الله ما احب رمضان
....واكره لمن احد يجيب طاري رمضان وصفات رمضان ...والنور والرحمه والغفران ... ووووووامور كثيره ...وانا يزيد كرهي لهذا الشهر .... ماودي انه يجي ....استغفر الله
واجامل اللي حولي اني احب رمضان ...واللا انا من داخلي اكس اكس اكس ...

وطبعا ما حسيت ولا شعرت ... بالراحه ولا بالطمئنينه ان جاء رمضان ...وكنت اقول متى يخلص ونفتك

مع اني اصوم ...بس ما اصلي التراويح ولا ازيد شي على العبادات ...وكان هالشهر شهر عادي بس الزياده هي الصوم

عاد ايماني ضعيف مو ضعيف ... مدري انا اللي العبادات والنوافل ااديها والحمدلله والشكر لله

بصراحه يمكن اللي خلاني اشعر الشعور هذا ...هي نفسي اولا وثم العاده اللي الى الحين نسويها وهي الاعتكاف في المطبخ ...
ع سفرة الفطور ومابعد الفطور والسحور ....يجب علينا ان نعد الكثير من الطعام
وبصراحه ارهاق خاصة لمن مايكون احد يعاون ويساعد الا الشغاله .... المسكينه

صلاة المغرب ... بصعوبه اصليها وبعدها اناااااااااام .. . وحجة رياجيلنا مايبون الشغاله تعد الاكل في رمضان لانها كافره .....استغفر الله
قسم مايمديني اقرا قران او اتابع برنامج ديني او حتى اصلي التراويح ....

ادري بتقولون ابالغ وان كل الحريم ...يطبخون ويصلون ويصومون ويروحون يصلون التراويح والقيام ....في المساجد
انا غير ماعندي هالقوه اللي عندهم وكل وحده عندها ظروف انا ضعيفه البنيه اممم ع قولة اهلي رهيفه .....احب ان جاء رمضان ان اتعبد واقرا واتدبر واتفكر في القران مووبس اختمه ....احب اصلي وانا مرتاحه مو وراي شغل او طبخ او اي شي ...ابي راحه واجازه من المطبخ الغثيث
ابي اصلي بدون الشعور بالتعب .....يكفي اني ادرس صيفي اجي من الكليه دايركت ع المطبخ شي ممل

اعتذر ع الاطاله وع الجراه الزايده ....يمكن انتم ماتشعرون ولاتحسون ...فلا تتسرعون بالاحكام ...لكم بيئه ربما تختلف عنا ...بس حبيت اسال اخواتي هل في من هي مثلي ....واللا انا بس اللي جذيه ...

الحمدلله انا ماقلت هالشعور اللي فيني اللا عشان ابي اغير من نفسي ....وان احب مضان مثلكم ...
اهلي من قرب رمضان وهم يقولون لي ها شنو بتسوين لنا من اطباق جديده ...بنات فلان وعلان بيسون كذا وكذا ومدري ايش ....حاولت وقلت لهم اكثر من مره ان رمضان عباده مووواكل بس ماكو فايده

حسسوني ان طووول السنه صايمين وان رمضان شهر الاكل فقط