حكايه في بووح الخواطر

أقسى شعور يمرني وأنا معك
لاصرت تضحك وأنت في صدرك بكا
سولف علي همك وكنّي ماأسمعك
وأنا أوعدك ماأقول للناس، أشتكى

ابتسم للناس وأضحك للحياة
ولو تضيق اليوم قل باكر تزين
أعرف أن الله وحده لاسواه
قادر إنه يبهج الصدر الحزين

أحس حبك من كثر ما احتواني
ما عاد باقي عندي لغيرك إحساس
من غير قلبي ليت لي قلب ثاني
قلبٍ لك أنت وقلب أجامل به الناس.!

وصلت في حبك إلى آخر الحب
مافيه لا قبلك ولا بعدك إنسان

كل ماولهت ف غيبتك قلت يارب
( يارب ) لاتقطع رجا كل ولهان

أنا أذكر أنه قايل شوي وأرجع،
مدري وش الواجد إذا هذي شوي

على قد ماتسكت تصير العيون اذهان
وعلى قد ماتبدا السوالف يغار الذوق

على قد ماتسهر يجي لليالي شان
وعلى قد ماتنعس يهز النهار الشوق
وعلى قد ماتغفى يلف المسا هتان
وعلى قد ماتصحى يزف العيون الموق

ماأقول : أحدٍ يحبك قدّ ما أحبك ؟! أقول..
قدّ ماحبّيتك أنت.. فيه أحد قد حبّ أحد كذا. .!؟!

جيتك وأنا ماأذكر أني كنت رايح لك،
بس أذكر أني كذا لا طوّل غيابك،
ياما ترددت مدري كيف بشرح لك،
أجيك وأرجع أبيك تقول وش جابك

الفجر همس و عصافير و طمأنينه
ذكرني بـصوتك العذب و سواليفك

يافجر عمري .. صباح الحب و سنينه
يارب دايم صباحاتك على كيفك