عاشق يعشق جنون مهرتة

ومع ذلك لازلت أكتب
كتبت وكتبت
كتبت على أوراقي حتى إمتلأت سطورها بالكلمات
كتبت حتى تعبت يداي من الكتابة
حتى إنحنى قلمي
وقتها مرً على عقلي تساؤلات
الإجابة عليها أمر مستحيل
نعم سألت نفسي
هل أكتب لأمرأة تستحق أن أكتب لها
أم أنني أكتب لها وهي لا تستحق كلمة من كلماتي
لم أجد الجواب ولكن سأبحث عنه في السطور القادمة

تصدق كنت كل الكون حقيقة ماهي اضنونك
يخون الوصف بأطيافك أضيع كلمة التعبير
اباصف كيف وش كنتي سحرني جملة ازيونك
دفا قلبك وصدق شعور ولحظة ماتبي تأخير
تبي شهقة نفس آآآه ذبحني حلوة أجنونك
رقص منها الخفوق وذاب وغرد في سمانا طير
سرق منا سواد الليل يردد نغمة الحونك
وطفا القنديل والشمعة بدت كلمة صباح الخير
هلا بنور الصباح اللي رسمها الشوق بعيونك
صباحٍ لا ابد ما صار وله معنى وله تفسير
على كيفك ولو قلتي ...... ياهووووه مجنونك

لاجيت اسولف عنك في كل قيفان
كني ملكت الكون في راحتيني


روعه وذوق ودفء واحساس رويان
شللي أخلي فيك عذبٍ وزيني


فيك ازدهار الورد وشموخ سلطان
وفيك اجتماع الحسن في كل حيني


لاجيت صوبك جابني قلب ولهان
ولاجيت اغني لك سبقني حنيني


ولا هل طيفك تنتشي كل الاغصان
وتورق حياتي والأماني تزيني


وكل السعاده تحتويني وتزدان
ولاغبت عني جادت دموع عيني


رواء روحي موطني واسمي الآن
وحبٍ قدر يجتث حزني وانيني


أضحك وأضحك والبس احساس نشوان
واشوفك افراحي وبهجة سنيني

سافري بي في عيونك عن العالم بعيد



........... ظلليني في نظرها وطول اهدابها



واحتويني مثل مايحتوي ( حضن الوليد )



............ وانصفيني من جروح ٍ شكيت أنيابها



واحفظيني مثل سر ٍ بقلبك مايحيد



............ ما احد ٍ يعرف رموزه بحرف كتابها



واجمعيني في خفوقك غرام ٍ مايبيد



........... كل ماتهزه رياح الجفا ماهابها



وانتي اللي من عرفتك ( حلا معني القصيد )



............ كل ما اكتب بك قصيده زهت بثيابها



صرتي اقرب حيل الاقرب من حبال الوريد



........... أمنيه حلمي رسمها وربي جابها



كل مارددت احبك تقولي لاتزيد



............ خل نار الشوق تاخذ معاك اتعابها



كل مايشرق حضورك مثل صبح ٍ جديد



............ فزت ورود المحبه تفوح اطيابها



ايه ياعذبة سوالف ولك مني مزيد



........... رفرفت لك هالمشاعر وجت باسرابها



والله انك في حياتي مثل عيد ٍ سعيد



............ وان لك نبض يتجدد وروحي ذابها



آه من جرح ٍ أهيده وعيّا لايهيد



.......... من كثر ماشال حمله يهاب انشابها



يامقاديم السحايب تهادي فوق بيد



........... امطري لحن المحبه لعشق ترابها



مايفّزز هالغلا غير خفقات ِ تزيد



.......... ليلة الفرقا طويله واحسب حسابها



سولفي لي هرجتك كنها الدر الفريد



............ لاتهادت بين ثلج ٍ لثم عنابها



وسافري بي في عيونك عن العالم بعيد



........... ظلّليني في نظرها وطول اهدابها

وَ كنت الاحظ صّار يزعل !
من مواضيع صّغيره
وَ كنت اهابه يوم يصرخ
ترتعّد حتى عظامي
وَ كنت من بٱب ا̄لونٱسه
امزَح بمزُحه تثيرهَ …

مهرتي فيك أتنفس صبح ومساك
واسمك فى دمي يجري كنك سيل


خلقني الله من أجلك وزاد حلاك
ودربك لي قدر مرسوم دون بديل


مسافاتي معك تحلا وكلي فداك
وغيرك إنت يا نجمي مهو ب دليل


بقربك يرتوي عمري وقلبي حواك
تربّع وامتلك نبضي أميرة جليل


ومهما لامني لايم وقال كفاك
برد الحين أتحدى تجيب مثيل


وقال الشوق بوله متى ألقاك
متى أسمع سواليفك ونطوي الليل

	يعلم الله إنك ابعيني وحيد والبشر عقبك ترا متساويا صرت اجمل بيت عندي بالقصيد حيث نفسي في غرامك هاويا خلك بقربي ولاتبعد بعيد لاتوديني طريق الهاويا شوفتك والله عندي يوم عيد احسم اظروفك تراها كاويا ودي إنك ياهوى بالي سعيد والحزن يبعد وياخذ زاويا انت مثل الدم في وسط الوريد لويفيض الدم قلبي قاويا لاتعاندني ترا طبعي عنيد وإن بغيت الشي اعرف لاويا جيتلك بعذب كلامي والجديد من قصيدي مع غرام ٍ ناويا ودي ابدي معك يالورد الفريد قصة ٍ تحكي عليها الراويا قصة ٍ لو تنحكي لك قلت عيد تنذكر مع هالسنين الطاويا

احلّق في فضا صدرك اشكل بالعروق طيور
تعـيش بقلــبك ترتــل لكل الناس اشعـاري
اماوج بين ضحكات الغرير وآهـة المأســـور
بودي ينحــقن دم الـفراق.. وينــعدم ثـاري
احاول والزمن اعمى يحسد اللي عيونه عور
نعيش بديدن الستر الثقيل وجسمنا عاري
عجزت وكل ماحاول اداوي آهتي بســطور
يضيع الشعر وشفاهي تخاف وتبعد الطاري
عجــزت وكـل ما انوّر بقلبي من حنينك نــور
يزيد العتم وتضيٍع عيونـي جــرة الســـاري
حبيبي يابعد كل الزمان اللي يـــلف يـــدور
وبعد الأرض وعناد الشعور وقسوة اصراري
اعيشك والخيال اللي أضمّه بالضـلوع يجـور
يخليهــا من الــلوعه... تضم الصخر وتـــداوي
اعيشك والشفاه اللي تصدر للعبوس سـرور
تضم من البكا... نبــعٍ غزيـر وبالألـــم جـــاري
يسيل ويروي عروقٍ تموت من الظما وتــبور
يسيل ويـــروي لجرحك ياجرحي آخــر اخباري
وفيها عـّدّكم مره تحوّل خافــقي لـصخـــور
وكم مره غلقت الباب لعيـــنك... وعفـــت زواري
وشف كم مره عشت الليالي كم بدون شـعور
صلبته فوق مشــراف العــفاف وجبــت له قــاري
نزعت من الوجع ريش الحمام ورقة العصـفور
غديت من الصقور اللي تحــوم وعزمهــا ضـــاري
وصرت من القسا مثل الضعيف اللي يلج يثــور
مايملك غير صرخـات اللسان وفضـح اســـــراري
هذا وقع الفراق.. اللي يحطم بالحــــنايــا دور
يشقــق بــاطن الخافــق... وجرحه طيّب وبـــاري
يخليني من اللوعه اعاصر بالشهــور عــصــور
احـاول احتمل أوقف بوجـه الآه.... ما انهــــاري
اجادل في السنين اللي كما المقباس والديجور
مــاترحمني... ولا تقبل بعـسر الوضـع.. اعـــذاري
تخليني من الـلوعه... أشكّل الــعـروق طيـــور
ألونها وترســل لـــك على الجنــحان... اشعــاري

صبحك رضا..وعيـون شوقـك .. نواويـر
تـــفــــرح بــطــلـــة مـبــســمــك يــــــــوم يــــاضــــي
صبحك جواد أبيـض ..زهـور وعصافيـر
تـــفـــتــــح شــبــابـــيـــك الـــــهــــــوى لــلــبــيــاضـــي
صبحك عـروس.. ودندنـة شـدو.. تقديـر
ورود تـنــســج لـــــي فــضـــا مـــــن ريـــاضـــي
صـبـحـك جــدايــل ..لـيـلـهـا مــــن أسـاطـيــر
فـــــــزة شــعــرهـــا لــــــــه مــــــــدى وانــتــفــاضــي
نـمــت وشـعـرتـك تـرتـجــف بـالـحـشـا طــيــر
وقــمــت وشــعــوري بـالـهـواجـيـس هــاضـــي
سكر مساك!!! وحمرة الورد!!! لك غير

والــشـــمـــع يـعـطــيــنــا شــــعــــور افــتـــراضـــي

أحـتــاج وصـلــك ماانـتـظـر مـنــك تـقـصـيـر
وارضـى بحكـم اللـي علـى الـروح قـاضـي
تــكــفــى حـبـيــبــي نـــظـــرة مـــنــــك ويــصــيـــر

كــــــــل الــــلــــذي نـــبـــغـــاه دون إعـــتـــراضـــي
قـلـبــي وقـلـبــك تـحـتـضـن بــعــض وتـطــيــر
نـــرتـــاح دام إحـسـاســنــا صـــــــدق راضـــــــي
فـــــي هــالــزمــن لازم نـــجـــي دون تـفـكــيــر
ولازم نـــخـــلّـــي هـــمـــنـــا فـــــعـــــل مـــــاضـــــي
نـــحـــيـــا الــــغـــــرام بـلــحــظــتــه وأي تـــبـــريــــر
مـايــنــذكــر لأهــــــــل الــقـــلـــوب الــمـــراضـــي
أحـتــاج أدوّن لـــك صـبـاحـات مــــن خــيــر
وأمـــــــلا بــحــبـــك خـــافــــق كـــــــان فـــاضــــي
نـــــمــــــلا جـــــفــــــون عـــيـــونـــنـــا بـــالـــنـــواويـــر
وتـــفـــتـــح شــبــابــيـــك الـــــهـــــوى لــلــبــيــاضــي

فض الصمت باحساسك وخل الحب لي يجري

وفضفض لي بعد عمري وعاتبني وفهمني

أنا أطري على بالك كثر ما أنته علي تطري؟!

تعال أقرب من أحضاني ترى خدك مواعدني

يبي يلامس شغف روحي ويقطف بوحي من شعري

تعال أنثر هنا ليلك وخل ويلك يولعني

أنا أحبك وأبي قربك.. ترى مني قضى صبري

أنا نبضك زهر أرضك وأنت؟! ايه تملكني

بنحل خصرك ..جمر ثغرك وزود بلونك الخمري

تتوهني .. تغرقني.. ومن بردك تدثرني

وتبكي لي وتشكي لي وله قلبك ومن سحري

أبي دموعك مع أنفاسك بصدق الود تحرقني

وأبي عطرك مع سحرك وآهك بالحشا تسري

أبي همسك يبعثرني غلا ولمسك يلملمني

وأبي عيونك من عيوني تذوب من الولع كثري

وأبي عهدك مع وعدك وأبي كلك تسلمني

أبي أيدك تسافر بي وزهر قدك يلحفني

وأهيم بعالمك عاشق جنوني أنت .. وانت بي تدري

تشوف الجمر بعيوني؟! تشوف الشوق جنني؟!

أجل تدري مثل ما أدري بأنك حلمي يابدري

حبيبي قوم وصارحني عن احساسك وعلّمني

أنا أطري على بالك ؟! كثر ما أنته علي تطري؟!