شايب صار مشرف في منتدى حقيقه لاطوفكم

موقف حصل ,,
مع مشرف في منتداهم وهي حقيقه
يقول عن هالشايب :*
أخينا في الله ... إنسان طيب لدرجة كبيرة و على نياته
في كل مرة ادخل قسم المحذوفات أضحك وبقوة*
دايم أحذف مواضيع مخالفة في المنتدى*
مثل صور شبه عارية أوموضوع سب إلخ
المهم شايبنا كل وقته يكون في منتدى المحذوفات
ألقاه يعلق وينصح*
وطبعاً منتدى المحذوفات ما يطلع عليها غيرالإداريين
وهو على باله قسم مفتوح للكل*
المشكلة أن الرد يكتبه تقريباً عشرين سطر*
تقدر تلخصهم بكلمتين*
ولما أوضح له وأقول المنتدى ما يشوفه غيرنا
قال لا ياخي موجود بالصفحة الرئيسية*
لا ويرسل لي عالخاص ياليت تنصحهم معي*
حاول مدير الموقع معه ما نفع
قلنا نخليه على وجهه*
وفي مرة من المرات
أرسلت له مشرفة قسم رسالة
تحب تستشيرة بموضوع
قالت له فلان بودي أطرح موضوع كذا وكذافي قسمك
ما أدري وش رايك
رد عليها في قسمه يعني نزل موضوع قدام الاعضاء
يقول إلى الأخت الموقرة فلانه
أنا إنسان متزوج وعندي عيال أرجوإني ما زعلتك*
أرجو يكون الكلام قدام الناس مو بالرسايل الخاصة وشكراً
من شان كذا طرحت الموضوع ما ابي يكون الشيطان ثالثنا*
هههههههههههههههههههه
البنت تركت المنتدى بسببه
والمشكلة المشرف العام يحذف موضوعه ويكتبه مرة ثانية
وحاولنا نفهم بالرسايل ما رضي يفهم
يرد عليه ويقول لابد أنصحها*
المهم البنت أظنها لليوم مافتحت المنتدى وأظن النت كله بعد*
وفي مرة عقدنا اجتماع عشان نحرك المنتدى
ونسوي مسابقات تحرك المنتدى
كل واحد منا تزهل يعني تكفل ببطاقة سوا فئه 100
المهم صار كل واحد منا يسوي مسابقة*
اللي بالخواطر يختار أفضل خاطرة للشهر
واللي في الجوال أفضل برنامج
وهواختار أسئله يطرحها على الأعضاء لمدة اسبوع
واللي يجمع أكثر نقاط يفوز*
أخينا في الله ماشي بالمسابقة تمام*
بس في آخر المطاف
عند تسليم الجائزة اللي هي بطاقة سوا*
تتوقعون وش سوى ؟
بدال مايرسل البطاقة للعضو بالرسائل الخاصة
كتب رد في نهاية المسابقة
يقول مبرررروك للفائز .. ببطاقة سوا
وإن شاء الله يكون حافز للنشاط
وهذا رقم البطاقه0000000000000 سجله قدام الكل*
الرجال اللي فاز بالمسابقة يقول وين البطاقة*
قال بالرد في الموضوع*
قال ياخي ما تشحن
قال والله جديدة*
وظني أنه مالطشها الا أحد الزوار أو الأعضاء
يعني بزعمه منظم
راحت البطاقة وتكفلنا نشتري للرجال بطاقة*
نرسلها له على الخاص
المصيبة أحياناً ينزل مواضيع في قسمه
ويكتب أرجو التثبيت*
وزي منتم عارفين المشرف هو اللي يثبت المواضيع ويفكها*
لا هو يكتب الموضوع بالقسم اللي يشرف عليه ويقول أرجو التثبيت
المشرف العام تحمله لسببين*
أولهم أنه رجال عمره فوق الخمسين
والسبب الثاني أنه على نياته وطيب*

طولها آخر شيء كتب المشرف العام بطريقة غير مباشرة يقول في قسم المشرفين*
يا جماعة ... اللي ما يقدر على الإشراف يقدم اعتذاره*
كان المشرف العام يتوقع أنه يرد ويقول أنا أقدم اعتذاري
وش قال هو*
قال :*
فعلاً هنابعض المشرفين باردين أتمنى يتحركون من شان مصلحة المنتدى
وياليت يتفاعلون مع الأعضاء عشان يوصلون لأعلى المناصب*
الرجال يخطط على مراقب أو نائب عام*
ههههههههههههههههههههه

.
.
.

طبعا اصدق هالسالفه لأنها صارت لي بموقف مشابه

كنت مديرة لقسم أدبي في أحد المواقع*
وكان عندي مشرف وشاعر بنفس الوقت وكبير بالعمر*
حول اخينا في الله وقلبه خضر ويحب الشعر الغزلي
ودائما قصايده وصف وتوصيف في هالحريم بعضها امشيه
وبعضهااحذفها يقوم يزعل مني ويراسلني ويتشره
واذا رفضت نزل قصيده يهجاني فيها*
واذا كان راضي علي نزل قصيده مدح فيني**
ومرات يعلق بخواطري انها فتنه وتغوي القلوب ههههه

وقصايدك يالمراهق عادي يعني*
وبمره من المرات ضافني بحسابي بتويتر*
وراسلني خاص قال ليش ماتسوين رتويت لقصايدي

قلت وش اغرد وهي كلها توصيف وكلمات مشفره

قام زعل وحضرني قلت بنفسي فكه جت منه*

مواقفه كثير الله يسعده*
ولازال القلب الحنون يغني على ليلاه*

الله يذكره بالخير وين ماكان*


واعتذر طولت عليكم ...

لكن شايب القصه ذكرني بشايبي*



وسلامتكم ...

هههههههههه استغفر الله العظيم